Naljandid ja anekdoodid
Mehel nakas viimäte pää otsaiist sügelemä, sedä süiten löis ta kolmanda täi, kelle
nahast ta tubli rihma sai, ent iks es mõjo viil midägi. Õnnes löis kukrust viil tüki tublemaba täi, kui
ennitse olliva ollu, sellest sai [kuus?] rihma. Nüid olli küll maa joba õige lähikesin, a siski viil nii
kavven küllalt, et karata es julge. Nii ümre tsõõri kaeden pääsi viimäte keids üleväst valla ja miis
satte maha. Õnnetuse vai õnnes, mes tä nüid olli, olli ta mää suu kotale johtenu ja nii sügäväde maa
sisse käinu, et pallas abe pääle maa jäi. Jälleki ädä, ei saa vällä.
Olli nii kevädene aig, kon kõik linnu pesi teevä. Üits parts johtusi mehe habet silmämä ja tei õkva
oma pesä sisse. Vastne õnnetus: muidu oles ehk viil kiäki mehe abet nännu ja appi tullu, a nüid ess
saa abet ka enämb nätä. Kui parts poja vällä aus, tulli susi ja sei poja ärä. Perän süümist käänd
tõine viil taguotsa pesä poole ja nakas aegutama
annaabi.ee 
